حرت شكتب ياعلي حار لساني

بسم الله الرحمن ...الرحيم

حرت شكتب ياعلي حار لساني
وحبك بدمي مله وجداني
حرت شكتب يا امير المؤمنين
والقلم عاجز بوصفك كل حين
منين ابدي تحيرت يا عالمين
ولا تكفي ياعزيز المسلمين
انت اخونه وانت ابونه الثاني
***********************
حار بيك الوصف من دون البشر
انت ايه للنبي اتزيل الخطر
قلمي منك سيدي يطلب عذر
لان ماوفة منك فضيلة بسطر
نار حبك سيدي جواني ( حرقني )
***********************
نوح فلكه وانصنع بسمك ياعجيب
وانت سفانه صرت وانته الطبيب
وانته هارون النبي وانت الحبيب
وبيك علات الخلك بسمك تطيب
ستر حبك سيدي وغطاني
***********************
بيك ناره للخليل الطفت
بيك ايوب حتى علاته شفت
بيك يعكوب اشتفت اعيونه العمت
بيك روت حواء للجنه ومشت
وادم المرتد ماتركته ايعاني
***********************
بيك يوسف عاد راعي للملك
وانته الشاهد صرت ضد الملك
وانته المسمار لولاه جاهلك
من الظهر شكيت والمكبل ترك
انت فخري التهمته احزاني
***********************
وبيك نمرود اتفحم وانت الكرار
وبسمك ابراهيم الله نجاه من النار
يبساط سليمان ياحامي الجوار
انت هدهد سبأ منه جبت اخبار
نقلت بلقيس العرش والباني
************************
ياعصى موسى الهمت ذيج الحبال
يامشافي عيسى من كل داء عضال
يامنجي يونس انجينا تعال
شيعتك ياسيدي في ارده حال
غير حجتك ما يشافي احزاني
*************************
بغير حجتك صار فاحشة وجور وظلم
كافي نصبر سيدي كافي حلم
لا تعدنا سيدي ويه ذيج الزلم
تره قله ظلت تحترم اهل العلم
وهمه شكل انسان بس مو انساني
**************************
ياعزيز الباري ياحيدر علي
صرخ جبريل الطبرتك ياعلي
اتهدمت اركان الهدى يامنزلي
روحي واطفالي فدوه الك ويه هلي
تره مات الجسد اخواني
***************************




من قصائد المرحوم



ياسر حسين حبيب العتابي

جميل جدا عاشت الايادي

رووووووووووووووووعه