اظل اكتب شعر للزين و (أنشد)
و أظل اسأل على الطيببن و (أنشد)
اصير حزام وقت الضيج و أنشد)
و تزيد همومي من تبعد علية
----------------------------------
خناجر لا تحد بيه (وناسف)
و غلطة ما بدت مني (وأنا اسف)
اصير حزام تي ان تي (وناسف)
افجر الكون لو تزعل عليه
----------------------------------
يظل قلبي بمحبتك دوم (ينشد)
اليحبك بس عليك هواي (ينشد)
عرفنه العظم من ينكسر (ينشد)
و اني قلبي انكسر شيشده ليه؟؟
----------------------------------
نشدت الناس عنك و انت(ماكو)
عليه الهم تجمع و مثله (ماكو)
اريد اسمع اخبارك شكو(ماكو)
وانا الممنون من تسأل عليه
-----------------------------------
وحق صفين و الخندق (و حطين)
أملش شعري بفراكك ( و احط طين)
اطير من الفرح صدك (و حطن)
اذا فد يوم رقمك دك عليه
-----------------------------------
اجيلك عمر خوية (و ماتجيلي)
وثياب الفرح ضاقت (ما تجيلي)
مشت كل الرفاقة و (مات جيلي)
وبقيت انته.وتشح وصلك عليه؟؟؟
----------------------------------
ما نسيتك انته روحي العاشت بحبك أسيرة
انتة قلبي الرادك و عاف العشيرة
أنت لو تبعد أجيلك وين لو صرت بجزيرة
أنت فرحي أنت لأجلك أنتفص و أطلع مسيرة
راح أهتف اني احبك أني أريدك راح أرفع لافته كلش كبيرة
بيهه أرسم قلب مصيوب بسهم و بيهه أرسم عين تبجي و جسد مطروح بسريرة
ألف - حاء - باء - والكاف الأخيرة. حروف معناها احبك
و اليحبك لو يجن لو موت تاليهه مصيرة
---------------------------------
معروفة السفن تمشي بمسار الريح
يفر شراعهه و ما تكدر تعاند
واني وياك نكسر هالقوانين
نفر الكون لو يبتعد واحد
---------------------------------------------
اتمنى تعجبكم
شكرررررا